ದೂರದ ಚಂದ್ರನಿಗೇನು ಗೊತ್ತು..
ವಿಶಾಲ ಸಾಗರದ ಮೊರೆತ..
ಭೋರ್ಗರೆವ ಅಲೆಗಳಿಗೇನು ಗೊತ್ತು..
ಹುಣ್ಣಿಮೆಯ ಚಂದ್ರನ ಮಿಡಿತ..
=======================================
ನಿನ್ನುತ್ತರಕ್ಕಾಗಿ ಕಾಯಲೇ ಇಲ್ಲ.
ಕಾರಣ - ಪ್ರೀತಿ ಒಂದು ಪ್ರಶ್ನೆ ಅಲ್ಲ...
ಮರಳಿ ಏನನ್ನು ಬಯಸಲೇ ಇಲ್ಲ.
ಕಾರಣ - ಪ್ರೀತಿ ವ್ಯವಹಾರವಲ್ಲ...
ಪ್ರೀತಿ ಬಯಸಿದ್ದು ಕೇವಲ ಮರು ಪ್ರೀತಿಯ.
ಕಾರಣ - ಪ್ರೀತ್ಸೋರಿಗೂ ಒಂದು ಮನಸಿದೆಯಲ್ಲ..
=======================================
ನೆನಪೊಂದೆ ನೆಪಮಾಡಿ..
ನೆನಪಲ್ಲೇ ಮನೆಮಾಡಿ..
ನನಸಾಗಲೆಂದೆ ಕಾಯುವೆ...
ಕನಸೆಲ್ಲಾ ಕಸಿ ಮಾಡಿ..
ಮನಸೆಲ್ಲಾ ಹದ ಮಾಡಿ..
ಉಸಿರಾಗಲೆಂದೆ ಬೇಡುವೆ...
ಈ ಪ್ರೀತಿ ನವಿರಾಗಿ..
ನಾ ನಿನ್ನ ಅನುರಾಗಿ..
ಜೊತೆಯಾಗಿ ಎಂದು ನಾನಿರುವೆ...
ನೀ ನನ್ನ ಜೊತೆಯಾಗಿ..
ಈ ಬಾಳ ಬೆಳಕಾಗಿ..
ಬರುವೆಯೆಂದು ನಾ ಕಾದಿರುವೆ ....
========================================
ನೋವ ಸಾಗರದಲ್ಲಿ ಮಿಂದು ಮುಳುಗೆದ್ದ ಮನಸ್ಸಿಂದು ,
ಮೌನ ಸಾಗರದ ಮೊರೆಹೊಕ್ಕಿದೆ..
ಮತ್ತೆಂದೂ ನೂಕದಿರು ಮರಳಿ ಸಾಗರಕೆ,
ಈಜಿ ದಡ ಸೇರಲು ಮನದ ಕೈ ಸೋತು ಮರಗಟ್ಟಿದೆ..
========================================
No comments:
Post a Comment